Hilabetez hilabete igotzen joan da hiltze-kopurua Erralde hiltegian; apirilean, hileko hiltze-kopuruaren errekorra bete da: 679 behiburu hil dituzte, Erraldeko arduradunek azaldu dutenez.
Era berean, sukaldaritzan Berrizko Txuletoiaren edo bertako txuletoiaren kontsumoa berriro bultzatu guran —batez ere, Durangaldeko jatetxeekin, baina euskal hiriburuetakoekin ere bai—, egiten diharduten “lan komuna” ere nabarmendu dute. “Benetako Berrizko Txuletoia eskainiz azken hileotan egindako probek ondorio oso positiboak izan dituzte”. Berrizko Txuletoia “beti aintzatetsi izan da”, batez ere, “abeltzainen produkzio sistemagatik”.
Erraldekoen berbetan, “labore naturaletan oinarritutakoa, baina jaki nagusi lez belar eta saralea erabiliz”. Horretara bueltatu gura dute.