Kontsumo txikiko 600 bonbila lote banatuko dituzte astelehenean, hilaren 5ean, Andra Mari elizpearen alboan: 75 watiok lain ematen duen kontsumo txikiko argia, etxeko energia aurrezteari buruzko eta ibilgailuentzako biokarburanteei eta autoen doako gidatze ikastaroei buruzko informazio liburuxka bana. Loteak 11:00etatik 14:00etara eta 16:00etatik 18:00etara banatuko dituzte.
Energiaren Euskal Erakundeak (EEE) eta Udalak energia-eraginkortasunari buruzko programetan eta energia berriztagarrien sustapenerako sinatutako itunak batzen du ekimena, eta Eskola Agenda 21ean parte hartzen duten ikastetxeetako ikasleen artean adostua (Ibaizabal, Fray Juan de Zumarraga, Nevers, Kurutziaga eta San Antonio-Santa Rita). NANa, pasaportea, gidabaimena edo nortasun agiria agertzen den beste agiri ofizial bat beharko da, eta bakoitzak bi baino ezingo ditu jaso.