Neska-mutikoek udaletxearen jarduera ezagutzea eta “haurren aurrekontu parte-hartzailea” sortzea: helburu horiei helduta hasiko dituzte ,“erabilera praktiko eta eraginkorra” eman guran, hainbat aldaketa dakarren ‘Pleno Txikiak’.
San Jose-Jesuitak, Nevers, San Antonio-Santa Rita, Kurutziaga ikastola eta Landako herri eskolako 11-12 urteko 300 eskolaumek parte hartuko dute.
Juan Jose Ziarrusta alkateak azaldu duenez, “asteon hasiko da Udala 2009ko aurrekontu parte-hartzaileak lantzen, propio sortutako batzordean”, eta aurrekontu horren barruan, ‘Pleno Txikia’-n landutakoa ere jasoko dute.
Gaztetxoenek, gehienez, 60.000 euro izango dituzte horretarako
Ikastetxe bakoitzak landutako bost egitasmo eztabaidatzeko pleno bana egingo dute alkatearekin; 25 proposamen batuko dituzte.
Azken ‘Pleno-txikian’, karguak izendatu ondoren, hiru egitasmo aukeratuko dituzte, 2009ko aurrekontuan batzeko udalbatzarrari aurkeztuz. Behar izanez gero, aurretik batzarrak egingo dira Gobernu Batzordeko kideekin.