Eguneko egitarauari dagokionez, 12:00etan, DJ erakustaldia izango dugu Oleakiff taldearen eskutik. Arratsaldeko 16:30ean berriz, "Liburuaren legea" izenburupean Aitor Esteban eta Jorge Jimenezek mahai-ingurua antolatuko dabe.
Haur literatur aretoan egitarau zabala prestatu dute. Goizean liburuen arteko ginkana, eskulanak eta irakurketa librea izango ditugu gaztetxoenen gozamenerako. Arratsaldeko 18:00etan Miren Agur Meabe idazlea gonbidatuko dute.
Argizaiola iparraldera
Euskara eta euskal kulturaren alde egindako lana goraipatzeko Argizaiola omen-saria Maiatz Elkarteari eskainiko dio Gerediagak. Iparraldeko idazle berriak biltzen eta laguntzen egin duen lana azpimarratu gura dute, azokako sari horixe eskainiz. Sari ematea abenduaren 8an izango da, San Agustin Kulturgunean egingo dute ekitaldian.