Abiadura Handiko Trenaren (AHT) kalteak salatu eta eztabaida sortzeko lanak gelditzeko AHT Gelditu Elkarlanak aurkeztutako mozioa ez du onartu Udalak. Galdeketa egin eta desjabetze-agiriak ez sinatzea eskatzean EAJ, PSE-EE eta PP kontra agertu dira.
Alde agertu direnen artean, informazio falta salatu eta galdeketa “demokrazia ariketatzat” jo du Aralarrek, zer beldur dagoen galdetu dute EB-Berdeek, eta EAEk herria informatu eta galdetu egin behar zaiola dio. PP eta PSE-EEk AHTaren aldeko jarrera berretsi eta herriak ordezkarien bitartez erabaki duela diote. Aurreko jarrerari eutsi dio EAJk ere.