Eguraldi txarra dagoenean umeen bila bertaratzen direnek eguraldi txarretik babesteko aukera izan dezaten, estalkia ipiniko dute Bartolome Ertzilla musika eskolaren kanpoaldean.
Udalak Arquitectura Textil, S. L. enpresari egin dio horren enkargua eta, denera, 29.600 euro inguru erabiliko ditu. Halxe eman dute jakitera udal arduradunek.
Abenduaren erdialderako aterpea prest izatea aurreikusi du Udalak; izan ere, kontratua izenpetzen duen unetik, gehienez, sei asteko epea izango du enkargua jaso duen enpresak azpiegitura berria prest edukitzeko.
Herritarren eskaera
Musika eskolara sarri bertaratzen diren hainbat herritarrek egin du kanpoaldean estalkia jartzeko proposamena Udalean, azaldu dutenez. Eskaera hori aintzat hartuta bideratu dute azpiegitura berria erosteari dagokion kontratua.