Euskal Herriko hainbat txoko egin dituzten emanaldietako bertso-kanten bilduma da hainbat musikarirekin batera eskuartean darabiltena
Urte hasieran abiatu zuten bidean aurrera darraite Igor Elortza eta Unai Iturriagak, oholtza gainean lagun dituzten musikariekin batera. Gu ta Gutarrak proiektuari ekin zioten otsailean, eta orduan markatu zuten epearen barruan –hau da, udazkenerako– prest izateko asmoarekin jardun dute udako egunetan Otxandioko Mekoletan diskoa grabatzen. Euskal Herriko hainbat txoko egin dituzten emanaldietako bertso-kanten bilduma da hainbat musikarirekin batera eskuartean darabiltena orain, gutagutarrak.eu blogean jakinarazten dutenez. Bertan nabarmentzen dutenez, diskoa osatu ondoren euren ikuskizunaren zuzeneko emanaldiekin jarraitzeko asmoa ere badute.