Igeriketa ikastaroetan leku libreak daudela eman du jakitera Durangoko Udal Kirol Erakundeak (UKE). Argitu dutenez, 3-5 eta 6-14 urte bitarteko taldeetan dago lekua, eta datorren martitzenean, ekainaren 26an, hasiko dira ikastaro biak.
Bestalde, tenis, batuka, padel eta aerobick ikastaroetan ere badago leku librea, azaldu dutenez. Landako kiroldegian eman daiteke izena, edo 94 621 51 30 telefonora deituta.