Ohar batez azaldu dutenez, “trenaren eta Euskal Herriko garraioaren inguruan Jaurlaritzatik egiten diharduten pantomima handia” salatu gura izan dute. Gaineratu dutenez “Jaurlaritza kontra egonda ere, herritarrak, beste eragile sozial batzuen eskutik, inposatzen ari diren mogikortasun ereduaren eta AHTaren eragin sozial eta ekologiko itzela ikusten hasi da”. Hala ere, Gasteizko gobernuak “Euskal Herriak behar duen garraio ereduaren gaineko informazio prozedura eta eztabaida publiko bat hasteari uko egiten” jarraitzen duela diote. Euskal Ya deritzonak “ekarriko dituen kalte ekologiko eta paisajistikoak” nabarmendu dituzte gazteek oharrean. Era berean, 9.000 milioi euroko gastua duela gogoratu dute, “datozen 50 urteetarako etxebizitza gastuaren berdintsua”. Diotenez, “herriak eta horien tokiko ekonomiak baztertzen dituen eredu sozialera garamatza AHTak, zentro ekonomiko eta erabaki handiak hirietan izatera bultzatuz”. Nekazaritzari egindako kaltea ere nabarmendu dute.
Garapenaren ikusmolde berria behar dela uste dute trena gelditzeko ekintza bultzatutakoek: “etxebizitza eskuragarrietan oinarritua, aire arnasgarrian, gertutasunean oinarritutako mugikortasunean eta zerbitzu publikoen indartzean”.