Gizonezko bat hil da gaur arratsaldean Durango eta Matiena artean trenak harrapatuta. Zornotzako Gurutz Gorritik jakitera eman dutenez, 40 urte inguruko gizonezko bat da hildakoa. Antza, gizonezkoa berehala hil da.
Ezbeharra arratsaldeko 15:45ak aldera gertatu da. Momentu honetan, tren zerbitzua etenda dago Traña-Matiena eta Durango artean. Bidaiarientzako autobus zerbitzua jarri dute Matienatik Durangora joateko.