Durangoko Preso Politikoen Oinarrizko Eskubideen Aldeko Konpromiso Eguna eratu dute, barikuan, Durangon. Goizean, elkarateratzeak deitu dituzte ikastetxe eta lantegietan.
Horrezaz gainera, hileko azken barikua izanik Ezkurdin, 20:00etan deitutako elkarateratzean parte hartzera deitu dute. Ondoren, ekitaldia izango da Andra Marian.
Bertso-afaria
Gauerako, berriz, bertso afaria eratu dute, eta, jakin eragin dutenez, bertan, Durangoko presoek jarritako gaiak botako dizkie bertsolariei gai jartzaile lez jardungo duen Maite Berriozabalek. Miren Amuriza, Etxahun Lekue, Gorka Lazkano, Gorka Ostolaza ‘Potxis’ eta Eneko Abasolo ‘Abarkas’ izango dira bertan bertsotan.
Bertora joateko txartelak Ttipi-Ttapan, Intxaurren eta Atxo Fun Funen eskuratu daitezke, azaldu dutenez.