Tokiko komertzioa bultzatzeko lankidetza-hitzarmena adostu dute Durango Bai elkarteak, Maristek eta INEM enplegu bulegoak. Komertzio administrazioko lau teknikok —formazioa Maristetan egindakoak— landutako ezagutza teorikoa elkarteko establezimenduetan landuko duten ikuspegi praktikoarekin osatu ahal izango dute, urtarrilean zehar.INEMeko Formazioa eta Lan-munduratze Plangintzaren barruan garatu da ekimena, Durango Baiko kideek euren negozioen logistika kudeaketa hobetzera agertutako ekintza zehatzen beharrari erantzuteko.
Komertzio administrazio tekniketan, datu-baseen kudeaketa aurreratuan, komertzio gestiorako aplikazio informatikoetan eta biltegiratze-teknika administratiboetan jaso dute formazioa. Hiru lagunek establezimendu banatan dihardute praktiketan, eta laugarren batek Durango Bai elkartean. Iaztik, elkarteak berak bultzatutako Merkataritza egitasmoan dihardu horrek: Durango, Iurreta eta Abadiñoko zerbitzuen sektorea eta komertzioa hobetu asmoz "ideia laborategi" bat sortzea gura dute.
Alde guztiek ekimenak dituen onurak nabarmendu dituzte.