24 urteko ibilbidearen ondoren, debutatu zuen kantxa berean, Durangon, eta final garrantzitsu bat jokatu ondoren egin zion agur Ricardo Alberdik zesta-punta profesionalari. Ez zuen finala irabazi, baina partida osteko protagonista nagusia bera izan zen. Ikusleek txaloen bidez azaldutako esker on amaigabeak eta bere omenez kantatutako bertsoak, begiak emozioz busti zizkioten Etxebarriako pilotari handiari.
24 urteko ibilbidearen ondoren, debutatu zuen kantxa berean, Durangon, eta final garrantzitsu bat jokatu ondoren egin zion agur Ricardo Alberdik zesta-punta profesionalari. Ez zuen finala irabazi, baina partida osteko protagonista nagusia bera izan zen. Ikusleek txaloen bidez azaldutako esker on amaigabeak eta bere omenez kantatutako bertsoak, begiak emozioz busti zizkioten Etxebarriako pilotari handiari. 
Partida bera, espero baino epelagoa izan zen, eta Felixek eta Alberdi II.ak garaipen erosoa lortu zuten (30-22). Ricardo Alberdik eta Adolfo Elizegik partidari eusteko eginahalak egin zituzten, baina urdinak gehiago izan ziren, nabarmen.
Gozotik gehiagoHain ibilbide luzean gazitik eta gozotik, bietatik probatu du Alberdik; gozotik gehiago, berak aitortzen duenez. Ez du beste pilotari batzuen palmares oparoa, baina ekinaren ekinez txapel bat baino gehiago batu du; esaterako, birritan irabazi du Urrezko Xistera (1999an eta 2001ean). Aldirik latzena 80ko hamarkadako greban bizi izan zuen.
Alberdik pilotari lotuta jarraituko du; Eusko Basqueko intendente moduan hasiko da lanean.