Eusko Basque enpresak Urrezko Xistera txapelketa antolatu du Durangon. Urteko hitzordurik garrantzitsuenetakoa izaten den horretan, lau bikotek parte hartuko dute, eta finalerdi bitan lehiatuko dira . Irabazleek urtarrilaren 6an jokatuko dute final nagusia, Durangoko frontoian.
Lehen finalerdian Adolfo Elizegi durangarrak parte hartuko du; Alberdi I-arekin bikotea osatuz, Hormaetxea eta Barrondoren kontra arituko da, abenduaren 30ean, Durangon. Finaleko bigarren protagonistak urtezahar egunean erabakiko dira, Bilboko Deportivon: Alberdi II-a eta Felix, Lander eta Alliezen aurka lehiatuko dira.
Gernikako torneoa
Adolfo Elizegik, Gernikako Bakearen Hiria txapelketan ere parte hartuko du, Artetxerekin bikotea osatuz. Finalaurrekoetan, Alberdi I-aren eta Barrondoren kontra jokatuko dute, astelehenean. Irabaziz gero, hilaren 25ean, Aimar-Felix eta Alberdi II - Alberdi III bikoteen arteko garailearen kontra arituko dira urteberri eguneko finalean.