Bi hile eta gero, berriz irabazi du Kulturalak

Anboto 2006ko aza. 24a, 12:06
Sei jardunaldi eta ia-ia bi hilabete pasatu ondoren, Kulturalak garaipena erdietsi du berriro. Hala ere, joan zen larunbatean Tabiran UPV/EHUren aurka jokatutako partidaren emaitzak dioskun moduan (2 – 1), uste baino gehiago sufritu behar izan zuen Ricardo Txintxurretaren taldeak.
Sei jardunaldi eta ia-ia bi hilabete pasatu ondoren, Kulturalak garaipena erdietsi du berriro. Hala ere, joan zen larunbatean Tabiran UPV/EHUren aurka jokatutako partidaren emaitzak dioskun moduan (2 – 1), uste baino gehiago sufritu behar izan zuen Ricardo Txintxurretaren taldeak.

Oromiñoko entrenatzailea partida honen garrantziaz jabetu zen. Irabazi ezean, sailkapeneko azken postuetan sartuko zatekeen taldea, eta are eta garrantzitsuagoa dena, taldea psikologikoki jota geratuko zatekeen.

Iban GorritiArdura hori hamaikakoan islatuz, orain arte ezezaguna genuen taktika zelairatu zuen, bi aurrelarirekin: Julen Zaitegi eta Jon Muruamendiaraz gipuzkoarrak.  Txintxurretak, ildo horretatik, ez zuen aukeratu beharrik izan. Kontutan hartzekoa da Muruamendiaraz arrasatearrak golak egin dituela azken jardunaldietan eta Zaitegik, bere aldetik, aurrelari guztien artean sasoi onenean dagoela erakutsi digula: “Asmatu dudala uste dut, biek partida ona jokatu baitute, eta jokaldi garrantzitsuenetan hortxe izan dira”. Beraz, entrenatzaileak esan ohi duen moduan, “ondo doana, fruituak ematen dituena, ez omen da aldatu behar”. Hamaikakoan beste berritasunik ere izan zen: Benjamin kapitainak hasieratik jokatu zuen; Narbaiza atzelariak ere postua berreskuratu zuen; eta Sanmartin erdilari garaia, bere lekua aurreratuz, punta-erdi lanetan aritu zen larunbatean.

Zaitegi, onena

Aurkariei dagokienez, UPV/EHUk ez zuen beste munduko jokorik agertu. Hala ere, Tabiran jokatzen duten aurkariek Kulturalaren ahultasunak non dauden badakitela dirudi. Beste behin ere, horiek aprobetxatuz min egiteko zorian izan ziren gipuzkoarrak.

Joko aldetik bi alderdi izan zituen norgehiagokak: lehenengo zatian durangarrak izan ziren nagusi. Aukerak sortu zituzten, falta eta kornerren ondorioz, batez ere. Horrela heldu ziren etxekoen bi golak. Biak ere ezkerretik hasitako jokaldietan eta gizon baten parte-hartze nabarmenarekin: Zaitegik area barruan utzitako baloi argi bi errematatuz egin zituzten golak Muruak eta Sanmartinek. Gipuzkoarren gola 44. minutuan heldu zen. Orduan agertu zen durangarren aurpegirik kezkagarriena: “jokalariak urduri jartzen dira minutuak aurrera joan ahala, izan ere, jakin badakite irabazteko beharra handia dela”, zioen Txintxurretak.
Jokalariei dagokionez,  denen gainetik Zaitegi nabarmendu behar dugu. Durangarrek behar duten erreferentea da, eta arrisku jokaldi gehienetan parte hartu zuen. Hurrengo partida Laudio Sallekoren aurka du Kulturalak.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!