Euskal Herriko Unibertsitateak (EHU) bere hezkuntza eskaintza azaldu du, martitzenean, azaroaren 21ean. Durangoko Elkartegiko hitzaldi aretoan izango da informazio saioa 18:30ean.
Euskal Autonomi Erkidegoko (EAE) hainbat eskualdetan egingo ditu informazio-saiook EHUk, azaroa eta abendua bitartean. Azaroaren 21ean, Durangon eta Portugaleten izango dira. Gernikan, 22an. Lehendabiziko hartu-emana egin gura du EHUk unibertsitatera oraindik sartu ez diren ikasleekin; baita horien guraso, orientatzaile eta irakasleekin ere.
EHUko ordezkariak hurreratuko dira saiootara unibertsitatearen berri ematera: Euskal Herriko Unibertsitateko eskaintza akademikoa eta unibertsitatera sartzeko burutu beharreko pausoen berri emango due, besteak beste.
EAEn, guztira, 25 informazino-saio egingo dituzte: 10 Bizkaian, 12 Gipuzkoan eta hiru Araban. Durangokoak, Portugaletekoarekin batera, abiatuko ditu saio horiek.