Enpresen arteko lankidetza: etorkizunerako alternatiba izenburupean, sentsibilizazio jardunaldiak abiatuko dituzte Berrikuntza eta Ekonomia Sustapen aldun Ricardo Barainkaren eskutik, martitzenean, azaroaren 21ean, Azterlan Metalurgia Ikerketa Zentroan.
Jardunaldiak 16:00etan hasiko dituzte eta enpresen eskura lankidetza esperientzia zehatzak jartzea dute helburua, praktikara eroan direnak emaitza onekin.
Fabrikazio jarduerak “koste txikikoak” deritzen herrialdeetara lekualdatzea “mehatxu” bihurtu da enpresa txiki eta ertain askoren biziraupenerako; lankidetza bihurtu da etorkizunerako alternatiba. Horren ildotik eratu dituzte jardunaldiak, Durangoko Merindadeko Amankomunazgoak, Durangaldeko Enpresen elkarteak, Bizkaiko Berrikuntza Agentziak eta CEBEKek, Bizkaiko enpresen konfederazioak.