TAOa “disuasio-neurri” lez egoki jotzen du Aralarrek: “Ibilgailu partikularren erabilera zigortzen da; baina, alternatibak eskaini behar dira”. Landakoko aparkalekua (210 lekurekin ) ez dela zabaldu ere badiote. “Ikusi zen lardaskeria izan zela obra (itoginak, lurrarekin arazoak…); gero, kudeaketa Durango Erakustazokari emateko tramite administratiboak aitatu ziren. Hiru urte geroago, aparkalekuak itxita dirau”.
Zabalarra, San Fausto edo Eguzkitza lako plan partzialei begira, kanpoaldean aparkaleku publikoak aurreikusi ez direla ere badio Aralarrek, eta bizikletak “lekurik ez daukala” hiria. “Hiriguneko lanak ez dira aprobetxatu bizikletentzako lekuak egiteko, hiribarrurako garraio lez erabiltzeko”. 2007ko aurrekontuan hori eta iri-autobusa sartu gura dituzte.