Argitu dutenez, “euren txakurrentzat txapelketa ziurtagiriak lortzea” gura dute parte-hartzaileek; baita, izen handiko golardoak ere: talde bakoitzeko txakur onenari, erakusketako txakurkume onenari eta, garrantzitsuena, erakusketako txakur onenari. “Txakur-hazkuntzan egindako lana aitortzen dute golardook, txakur-hazleei sona emanez”.
“Horixe da erakusketen helburu nagusia. Txakur-hazleak bere txakurrak beste batzuekin kontrastatzeko agertoki konkretu ditu erakusketok; epaileak arrazako estandarraren kontra baloratzen ditu, txakurraren morfologia, izaera eta armonia aztertuz”. Epaimahaia ere nazioarte mailakoa izango da, domekan.