Ofelia Hernandezen mutil-lagun ohiak aitortu zuenez, berak hil zuen, iazko urtarrilaren 16an; labankada bat eman zion sabelean. 4 eta 11 urteko seme-alaba bi zituen bikoteak, eta biotako baten aurrean egin zuen erasoa aitak.
Hainbat zigor eskaera
Durangoko Udalak zigor eskaera bi egin ditu: 20 urteko kartzela zigorra maltzurkeriaz egindako hilketa bada, eta 17 urtekoa giza hilketa bada. Horiez gainera, zazpi hileko kartzela eskatu du urruntze-agindua urratzeagatik. Clara Campoamor elkarteak, berriz, 24 urteko kartzela zigorra eskatu du: 20 urte maltzurkeriaz egindako hilketagatik, urtebetekoa urruntze-agindua urratzeagatik eta 3 urtekoa, emakumeen kontrako indarkeriagatik; izan ere, uste dute tratu txarrak ohikoak zirela. Beste alde batetik, fiskaltzak, 20 urteko zigorra eskatu du maltzurkeriaz egindako hilketagatik, eta zazpi hilabetekoa urruntze-agindua hausteagatik.
Ofelia Hernandezengandik urruntzeko agindua zeukan mutil-lagun ohiak, tratu txarrak eman zizkiolako, baina, hilketaren egunaren aurretik urruntze-agindua urratu egin zuen. Ertzaintzak tratu txarrak jasaten dituen emakumeak babesteko daukan protokoloaren barruan zegoen.
Iazko urtarrilaren 16an hil zuen, ustez F. A. U.mutil-lagunak, Ofelia Hernandez, Alluitz kalean bizi zen etxean. Aste horretantxe atxilotu zuten