Gazte Koordinakunde Sozialistaren berbetan, faxismoaren gorakada Europa osoan ematen ari da. "Europa osoan ideia erreakzionarioak zabaltzen ari dira eta estatuak gero eta autoritarioagoak dira", salatu dute. Testuinguru horretan, manifestazioek "kontrapisua" egin nahi dute. "Kontzientzia antifaxista piztu eta faxistei mezu argia bidali gura diegu: datozen lekutik datozela, aurrean izango gaituzte".
Urtarrilaren 31n Bilbon egingo den manifestaziorako Durangaldetik autobusez eta trenez elkarregaz joateko hitzorduak egingo dituztela aurreratu dute; sare sozialen bidez emango dute hitzordu horien berri.
