Bilbao Arena euskararen eta euskaltzaletasunaren bilgune eta arnasgune bilakatzeko deia egin dute. Milaka herritar batu gura dute bertan, ekitaldi erraldoi batean. Jardunaldia 17:00etan hasiko da eta sarrerak eskuragarri ipini dituzte pizkundea.eus atarian.
Kontseiluak euskaltzaleak deitu ditu indarrak batzera eta euskararen etorkizunari norabide berria ematera. "Larritzeko osagai guztiak" dauden arren, "itxaropen mezua" zabaldu gura dute: "Euskaltzaleon garaia da".