Eskualdea hodeitsu eta euritsu jagi da, eta eguraldiak aldarte horri eutsiko dio datozen ordu eta egunetan. Euskalmeten esanetan, zaparradek bere horretan jarraituko dute, eta ugariak izango dira eskualdean. Posible da, gainera, trumoia eta txingorra botatzea. Elur kota 600 - 900 metrora jaitsiko da eguerdian, eta apur bat beherako arratsalde partean. Haizeak ipar-osagaiak izango ditu eta bolada gogorrak izan ditzake. Tenperatura koska bat bajatuko da bihar, 2 graduko minimoetan eta 8 graduko maximoetan.
Elurrak denboraldiko lehenengo bisita egin dio Anbotoko tontorrari
Goizalde honetan negu giroko lehenengo elur malutek zuritu dute Anbotoko tontorra. Ez du askorik bota, baina bai eskualdeko herritarrak haitzetara begira jarri eta ezohiko irudiaz gozatzeko beste. Euskalmetek dioenez, euri zaparradek bere horretan jarraituko dute datozen egunetan; gaur eta bihar artean termometroak nekez igaroko du 8 graduko langa.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!