“Tokiko merkataritzak erronka handiei aurre egin behar die. Erronka horien mende dago gure merkataritzaren biziraupena, ezagutzen dugun moduan. EAJk merkataritza-eredu iraunkor eta sozialki arduratsu baten alde egiten du Bizkaian. Eta sektorearen etorkizuna bermatuko duen neurri eta ekimenekin lan egiten jarraituko dugu. Belaunaldien arteko erreleboa eta Bizkaiko merkataritza sarearen berriztatzea erraztuko dugu, negozio eredu berrien alde egiten duten ekintzaileak barne hartu ditzan”, nabarmendu du Etxanobek. Mireia Elkoroiribe hautagai jeltzaleak, ostera, Durangoko merkatu-plazaren “birmoldaketa integrala” proposatu du. Plazan hainbat ekintza eta erabilera uztartuko ditugu, inguruko elkarte eta eragile garrantzitsuenekin, batez ere Dendak Bai Elkartearekin eta Urkiola Landa Garapenekin, etengabeko jarduera bermatzeko. Horrez gain, merkatarien eta ostalarien zerga-karga murriztuko dugu eta aparkalekua erraztuko diegu, merkataritza sustatzeko eta enpresen jarraipenerako programak bultzatuko doguz eta digitalizazio prozesuetan ere lagunduko diegu, etengabeko aholkularitza eta laguntza eskainiz”, esan du Elkoroiribek.
Udal eta foru hauteskundeak
Merkataritza “bizia, dinamikoa eta erreferentea” aldarrikatu du EAJ-k Durangon
Bizkaiko Ahaldun nagusi izateko EAJren hautagaia den Elixabete Etxanobek merkatari txikiekin elkarlanean arituko dela azaldu du gaur goizean Durangon egindako ekitaldian; Durangaldeko hainbat hautagai jeltzalek parte hartu dute, besteak beste, Mireia Elkoroiribek, Mikel Garaizabalek eta Mikel Arruabarrenak.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!