Akordioak bi puntu ditu. Alde batetik, Barrualde-Galdakaoko ESI barrutiaren egoera aztertzeko eskatu diote Jaurlaritzari, honela eskualdeko anbulatorioetako zein ospitaletako osasun arretaren beharrak identifikatzeko. Azterketa honetan eskualdearen ezaugarri geografiko eta demografikoak ere hartu beharko dira kontutan.
Bestetik, azterketa egiterakoan Durangaldeko eskualdeko erakundeekin hitz egiteko eskatu diote Jaurlaritzari, "beren ekarpenak eta eskualdeko erakunde eta eragile sozialek helarazi dizkietenak ezagutzeko; egoerara hobekien egokitzen diren neurriak proposatu ahal izango dira horrela, arreta berezia jarriz adingabeen, adinekoen, paziente pluripatologikoen eta beste kolektibo zaurgarri batzuen premiei".