Zapatuko mobilizazioetan hiru aldarri nagusi egingo dituztela iragarri du Sarek gaur eginiko agerraldian. "Euskal preso guztiak Euskal Herriratzea salbuespenik gabe eta gehiago atzeratu gabe, presoak bigarren gradutik hirugarrenera pasatzeko aukera desblokeatzea, eta bizikidetzaren eta bakearen alde aurrera egiten jarraitzea, erantzukizunez, errespetuz eta enpatiaz", azaldu dute bertan.
Durangaldeko deialdiak:
- Abadiñon, 17:30ean, Traña plazan.
- Atxondon, 18:00etan, Apatako plazan.
- Durangon, 17:00etan, Santa Anan.
- Elorrion, 18:00etan, plazan.
- Iurreta, 17:00etan, Askondon.
- Mañarian, 17:00etan, plazan.
- Zaldibarren, 17:00etan, udaletxeko plazan.
- Zornotzan, 17:00etan, Erreferendum plazan.
Osasun egoeragatik kalera irten ezinik daudenei aldarrikapenak sare sozialen bidez zabaltzeko deia egin die Sarek.