Azken txanpan sartu da ANBOTOk antolatzen duen udako argazki lehiaketa

Sei urte pasatu dira ANBOTOk irakurleen argazkilari senari bide eman eta udako argazki lehiaketa antolatzen hasi zenetik. Aurten ere, arlo bitan aurkeztu dira argazkiak udako argazki lehiaketara: eskualdeko argazkirik onena eta eskualdetik kanpoko onena. Gainera, parte-hartzaileek munduko edozein lekutatik igo ahal izango dituzte argazkiak anboto.org webgunera.

Parte-hartzaile bakoitzak lau argazki aurkeztu ahal izango ditu gehienez, kategoria bakoitzeko bi, eta aurretik beste lehiaketetan saritu bakoak izan beharko dira. Argazkiok irailaren 14a baino lehen igo beharko dira ANBOTOko webgunera (anboto.org).

Arlo bakoitzean bina sari banatuko dira: epaimahaiaren saria eta publikoaren saria. Epaimahaiaren saria eskualdeko argazkilari batek eta ANBOTOko kide batek erabakiko dute. Publikoaren saria, ostera, webgune bidezko bozketaren bitartez erabakiko da.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.