Eskualdeko hizkuntza paisaian eragitea da egitasmoaren helburua. Amankomunazgoko euskara zerbitzua dagoen herrietako enpresak sartuko dira deialdian: Abadiño, Atxondo, Berriz, Durango, Elorrio, Iurreta, Izurtza, Mañaria eta Zaldibarkoak.
Euskarriak euskara hutsean ipintzen dituztenek %50eko laguntza jasoko dute, 500 eurorainoko tartean. Elebitan jartzen dituztenek gastuaren %25 izango dute finantzatuta, 250 eurora arte, baina euskarazko zatia lehenetsi beharko dute kokapenaren eta tamainaren bidez. Informazio gehiago gura duenak 94 623 25 22 telefonora deitu ahal du.