Durangaldea-Arratia barrutiko zerrendaburua Bea Ilardia galdakoztarra izango da, eta bera da ahaldun nagusi izateko hautagai lez izendatu dutena ere. Primarien bidez aukeratu dituzte zerrendako kideak, eta koalizioaren esanetan talde "anitza, sendoa eta orekatua" osatu dute. Horien artean, Zornotzan zinegotzi izan den Urko Lopez ere badago.
EH Bilduk esan du Bizkaian ondo bizitzeko baliabideak daudela. "Arazoa da baliabide horiek nola erabiltzen eta kudeatzen diren, eta agerikoa da hor badaudela gabeziak", azaldu du EAJren gobernua kritikatzeko. Koalizioaren ustetan "ezin dugu ekitaldi handien antolaketagaz soilik konformatu", eta "ekonomiaren dibertsifikazioa" beharrezkoa dela dio.
EH Bilduk esperientzia bermatzen duela esan dute. "Gobernatzen dugun udaletan erakutsi dugu EH Bilduren gaitasuna. Beste batzuek utzitako zor ekonomikoak konpondu ditugu, herritarren parte hartzea sustatu dugu eta gardentasuna ezinbesteko elementua izan da".