Durangaldeko 10 enpresari kalitate turistikoaren saria eman diete

Alluitz Natura, Durangoko Turismo Bulegoa, Eguzki B&B ostatua, Elorrioko Turismo Bulegoa, Garaiko Landetxea, Karteruena Landetxea, Lurra Adventure, Oka Landetxea, Saltsan katerin eta Sinergia 43º izan dira saria jaso duten enpresak.

Durangaldeak SICTED lehiakortasun programan parte hartu zuen lehen aldiz 2018an, Basquetourrek sustatutako turismo kalitatearen jomugetan oinarritutakoa. Programa honek enpresa turistikoei laguntzen die, besteak beste, beren kudeaketaren etengabeko hobekuntzan eta bezeroen esperientzia eta gogobetetzea hobetzeko. Urkiola Landa Garapenerako Alkarteak ere, diploma bereizgarri bat  jaso du, eskualdean programa ezartzeko lanagatik.

Hain zuzen, Alkartearen ordezkari lez, Idoia Buruaga Elorrioko alkateak eta Orlan Isoird Berrizko alkateak enpresa horiek zoriondu zituzten "kalitate turistikoaren alde egindako lanagatik eta erakutsitako konpromisoagatik".

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.