Durangoko izotz pistarako 1.200 gonbidapen banatuko ditu Dendak Bai elkarteak

Markel Onaindia 2018ko abe. 10a, 10:55

20 eurotik gorako erosketak eginda gonbidapen bat jasoko dute herritarrek, 40 eurotik gorakoetan bi, eta 60 eurotik gorakoetan hiru. Abenduaren 1etik 31ra arteko erosketen tiketak Dendak Bai elkartearen bulegoan aurkeztu behar dira, sarrerak jaso ahal izateko. Elkartearen baitako dendetan egindako erosketek balioko dute.

Aurreko urteetan ekimenak izan duen harrera ona kontuan hartuta, aurrekontua handitu dute antolatzaileek. Izan ere, sarrerak epea baino lehen amaitu izan dira.

Bestalde, Durangoko irudiekin osatutako egutegi bat ere salgai egongo da komertzioetan, elkarteak udalagaz batera atera duena.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!