Hizkuntzen Europako Eguna

Asteazkenean ospatuko da Hizkuntzen Europako Eguna

Iturria: Badubada.com

Europako Kontseiluko kide diren 47 estatuetara zabaldu da deialdia.

Munduan 6.000 hizkuntza baino gehiago aurki ditzakegu, eta Europan, guzti horietatik 68 ezberdin kokatzen dira. Aniztasun horren lekuko, munduko biztanleriaren erdia inguru elebiduna edo eleanitza izatea.

Arrazoi horregatik, Europako Kontseiluak, 2001 urteaz geroztik, irailaren 26a Hizkuntzen Europako Eguna izendatu zuen. Europa osoko 800 milioi herritarrei hizkuntz aberastasuna gogorarazi eta beste hizkuntza bat ikastera animatzeko gonbidapena luzatu nahi izan die egun honi esker.

Aniztasun hori, beste herrialdeekiko ulermen zabalago bat eskuratzeko tresna dela eta gure kontinentearen ondare kultural aberatsaren funtsezko elementua dela aldarrikatzeko baliatu nahi da egun hau, eta orokorrean eleaniztasuna sustatzea du helburu. 

Adina edozein izanda, eskolan bertan edo eskolaz kanpo, beste hizkuntza batzuekiko gertutasuna bilatzeko proposamen ugari biltzen ditu Europako Kontseiluaren ekimenak. Besteak beste edozein adin tarte eta profileko jendeari zuzendutako jolasak, lehiaketak, tailerrak eta bestelako jarduerak burutu ahal izateko materialak jartzen ditu herritarren esku.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.