Euskaraldia sustatzeko webgunea sortu du Amankomunazgoak

Amankomunazgoko euskara arloak Euskaraldia sustatzeko webgunea sortu du. Prentsa ohar bidez jakitera eman dutenez, webgunea Durangaldeko euskaldunen komunitate digitala izango da.

Bestalde, http://euskaraldia.durangaldea.eus/ webgunea Durangaldeko herritar guztien esku geratzen dela jakitera eman dute, ekimena sustatzeko bitarteko gisa. Horrez gain, herritarren izen-emate ofiziala irailean izango den arren, Amankomunazgoak sortutako webgunean bakoitzaren rola hobeto ezagutzeko eta informazioa jasotzeko aukera dagoela esan dute.