Gaurkoaren aurretik, lau greba egun izan dituzte azaroan zehar, sektoreka banatuta. Horrez gainera, elkarretaratzeak egin izan dituzte, eta gaur ere irudi hori ikusi ahal izan da Durangoko Fray Juan Zumarraga institutuan.
"Egungo hezkuntza publikoaren egoera larria da, eta buelta emateko, oinarri-oinarrizko neurriak eskatzen ditugu", esplikatu dute beharginek. Adibidez, irakasleen ratioak %10 murriztea, ordezkapenak lehen egunetik gauzatzea, lan-taldeen behin-behinekotasuna txikitzea eta hezkuntza arloko inbertsioa handitzea -Europar Batasuneko batazbestekora heltzeko- dira euren eskakizunetako batzuk.
