270 atxondarrek eta 292 otxandiarrek botoa eman dute dagoeneko herri galdeketetan

Jone Guenetxea 2017ko aza. 5a, 15:08

Atxondoko eta Otxandioko Gure Esku Dagok sustatuta Euskal Herriko estatus politikoaren inguruko galdeketa egiten ari dira, gaur, Durangaldeko bi herri hauetan. 13:30ean egindako zenbaketaren arabera, Atxondon 270 lagunek botoa eman dute (%22,56) eta Otxandion 292 herritarrek (%27,55).

Atxondon herriko talogileek egindako talo ogitartekoak jateko aukera egongo da arratsaldean, beste ekintza batzuen artean. Otxandion berriz, egun osorako egitaraua prestatu dute. Goizean hamaiketakoa eta herri kirol erakustaldiak (12:00etan) izan dira. Eguerdian, 13:30ean, ekitaldi nagusia egin dute, Andikona plazan.

 

BOZKAGUNEAK
• Otxandion: Udaletxe aurreko plazan.
• Atxondon: Apatako plazan eta Axpeko plazan.

ORDUA 
• 09:00etatik 20:00etara.

GALDERAK
• Otxandion: Nahi al duzu euskal estatu burujabe bateko herritarra izan?
• Atxondon: Euskal Herri independente bateko herritarra izan nahi duzu?

GALDEKETA EGINGO DUTEN HERRI DENAK
• Atxondo, Otxandio, Andoain, Areatza, Beizama, Berango, Erandio, Elantxobe, Galdakao, Getxo, 
Mundaka, Ibarrangelu eta Leioa.

DURANGALDEAN HERRI GALDEKETA EGINA DUTEN HERRIAK
• Abadiño, Elorrio, Durango, Zornotza, eta Zaldibar.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!