Musika taldeek Banden Lehiako webgunean argitaratuko dituzte euren abestiak, eta herritarrek botoa eman ahalko dute twitter bidez. Gainera, epaimahai profesional batek ere emango du iritzia. Bi emaitzak batuta, lau finalista hautatuko dituzte, azaroaren 24an Bilborocken joko dutenak -Itziarren Semeak taldeak ere kontzertua eskainiko du gau horretan-. Han, berriro ere herritarrak eta epaileak izango dira iritzi emaile; kasu honetan, entzuleek telefono bidez dei galduak eginez parte hartuko dute.
Irabazten duen taldeak disko bat grabatuko du Baga-Biga ekoiztetxeagaz, eta BBK Liven zein Bartzelonako Euskal Herria Sona jaialdian plazaratuko du bere musika zuzenean.