Helburu bi ditu akordioak, prentsa oharrean kontatu dutenez. Alde batetik, gazteen prestakuntza, enplegua eta ekintzailetasuna bultzatzea; bestetik, baliabide publikoen erabilera optimizatzea. Gaur sinatu dute akordioa Durangoko udaletxean.
Sinatu arren, EH Bilduk uste du plana "hankamotza" dela. Orain arte Behargintzak kudeatu izan du plana, eta horrela izaten jarraitu beharko lukeela uste du, tekniko espezializatuak daudelako eta "udal gehienek" enplegu garapeneko eskumena eman dielako. Gainera, "gazteek merezi dituzten lan baldintzak" ez eskaintzea ere kritikatu du alderdiak. Hala ere, EH Bilduren zuzenketa bi sartu dira, eta horregatik sinatu dute akordioa. Bekadun gazteek jasoko duten dirua lanbidearteko gutxieneko soldata baino txikiagoa ez izatea, eta enpresetako baldintzak "in situ" ikuskatzea dira baldintza biak.