Durangaldeko Amankomunazgoak kudeatzen dituen Gizarte-Larrialdietarako Laguntzen eskatzaile kopurua %6 txikitu zen 2016an. Instituzioak programa horren balantzea egin du, eta adierazi du 28 pertsona edo familia gutxiagok eskatu zutela laguntzaren bat. Hala ere, eskatzaileen artean banatutako laguntza handitu egin zen; izan ere, guztien artean 46 tramite gehiago egin zituzten, 2015ean baino %7 gehiago. Osotara, 716 diru-laguntza.
Gastu hori kubritzeko, Eusko Jaurlaritzak 443.000 euroko partida bat eman zuen, eta Amankomunagoak 109.000 euro ipini behar izan zituen, beharrizanera ailegatzen ez zelako.