1. Oinarriak
Argazki guztiak Durangaldeko inauterietakoak izan beharko dira.
2. Parte-hartzaileak
18 urtetik gorako pertsona orok parte hartu dezake lehiaketa honetan.
3. Parte hartzeko baldintzak
- Lehiaketan parte hartzeko aurkeztuko diren argazkiak aurtengoak izan behar dira.
- Parte-hartzaile bakoitzak 10 argazki aurkeztu ditzake gehienez.
- Lehiakideek norbanako mailan esku hartuko dute eta, ondorioz, argazki batek egile bakarra izan dezake edo, behintzat, aurkeztuko duen pertsonak sinatuta baino ez da egongo.
- Ezingo dira aurretik beste lehiaketa batean saritutako argazkiak bidali.
- Argazki digitalak baino ez dira onartuko, jpg edo png formatuarekin.
- Honekin batera, egilearen izena, telefono zenbakia eta posta elektronikoa eman beharko dira.
- Mezu/argazki iraingarriak eta genero ikuspegia errespetatzen ez dituzten argazkiak ez dira onartuko.
4. Argazkiak aurkezteko epea
Lehiaketan parte hartzeko epea otsailaren 9tik otsailaren 23ko, (eguerdiko 12:00etara) izango da.
5. Bozkaketa
Webgune bidezko bozketa, otsailaren 23tik martxoaren 2ko (gauerdiko 12:00etara) izango da.
Martxoaren 10ean, www.anboto.org webgunean eta paperezkoan emango da irabazlearen berri. Honez gain, telefonoz ere emango zaie erabakiaren berri. Jakinarazi eta 2 asteko epea izango du irabazleak deiari edo gure mezuei erantzuteko, bestela saria hurrengo sailkatuari emango zaio.
6. Saria
Bozka gehien jasotzen dituen argazkiaren egileari sari bat emango zaio: ASTEBURU PASA BAT.
7. Sariak jasotzen dituzten eta jasotzen ez dituzten argazkiak
ANBOTO ez da jasotako argazkien jabe izango. Hala eta guztiz ere, lehiaketan parte hartzen duenak onartzen du bere argazkiak ANBOTOk erabili ahal izango dituela, beti ere egilearen izena aipatuz.
8. Onespena
2018ko Mozorro Lehiaketan esku hartzeak esan nahi du oinarri hauek osorik onartzen direla.