Ertzaintzak jakitera eman duenez Alde Zaharreko taberna batean abenduaren 18an gazte batek beste bat labankadaz erasotu zuen. Prentsa oharrean adierazi dutenez, ustez erasotzaileak sabelan labankada eman gura zion gazteari eta honek eskua jarri eta labankada eskuan jaso zuen, zauri larriak eraginez.
Eraso honen ondorioz, Ertzaintzak inbestigazio prozesua martxan jarri eta atzo arratsaldean 25 urteko gaztea aurki eta atxilotu egin zuten. Orain, gaztea epailearen esku geldituko dela adierazi dute.