Xabier Amurizak Etxahun Lekueri (930) jantzi dio Bizkaiko Bertsolari Txapelketako txapela. Zortzigarren finalaren eta hirugarren buruz burukoaren ostean, larrabetzuarrak txapela eskuratu du Bilbao Arenan, gaur arratsaldean. Lekue Xabat Galletebeitiagaz (883.50) buruz burukora heldu da.
Eskualdeko bertsolariei dagokienez, Miren Amuriza zazpigarren gelditu da eta Beñat Ugartetxea berriz, zortzigarren. Bestalde, gai emaile lanetan Amaia Ugalde elorriarra eta Maite Berriozabal berriztarra aritu dira.
Bilbao Arena bete-beteta egon da zortzi bertsolarien arteko lehia entzuteko. Bizkaiko Bertsozale Elkarteak azaldu duenez, 4.100 lagun batu dira finalean.
Sailkapena:
- Etxahun Lekue: 930
- Xabat Galletebeitia: 883.50
- Onintza Enbeita: 558
- Jone Uria: 549.50
- Ibon Ajuriagojeaskoa: 535.50
- Nerea Ibarzabal: 534
- Miren Amuriza: 531.50
- Beñat Ugartetxea: 510.10
(Argazkiak: Bizkaiko Bertsozale Elkartea) 
