Martxan da Beldur Barik Jarrera bideo lehiaketa. Abadiño, Berriz, Durango, Elorrio, Iurreta eta Zaldibarko udalen eskutik, gazteak indarkeria matxistaz kontzientziatzeko erabiliko dute. 12 eta 26 urte arteko gazteek parte hartu ahalko dute, eta azaroaren 9a izango da bideo-lanak aurkezteko epemuga. 300 euroko sari bi eta 100 euroko beste bi emango dituzte, azaroaren 24an Berrizko Kultur Etxean burutuko den sari banaketa ekitaldian. Lehiaketaren bidez, indarkeria matxista prebenitzea da sustatzaileen helburua.
Epaia ematerakoan, batez ere bideoetan zabalduko den mezuari emango diote garrantzia. Bestalde, lanak euskaraz egitea baloratuko dute, gaztelaniaz ere aurkeztu ahal diren arren.
Tailerrak
Bideoen sorkuntzaz gainera, ikastetxeetan tailerrak garatuko dituzte. Aurten, nobedade lez, Elorrion mutilei begirako tailer berezi bat landuko dute, eta Zaldibarren, whatsapp bidezko erasoen inguruan jardungo dute.