LAB sindikatuak mozioak sartu ditu Durangaldeko udaletan eta Amankomunazgoan, azpikontratazioetan klausula sozialak bete daitezela eskatzeko. Prentsa ohar bidez adierazi duenez, sindikatuak uste du zerbitzu publikoak langile publikoek bete behar dituztela, baina azpikontratazioen inguruko “egoera ikusita, premiazko neurriak” hartu behar direla uste du. “Azpikontratazio hauetan ematen den prekaritatea amaitu behar da”.
LABek azaldu du herrialdekako lan hitzarmena ezarri behar dela agertzen dela klausula sozialetan, eta genero berdintasuna eta euskararen erabileraren bermea ere jasotzen direla. Politikariei zuzendu zaie sindikatua: “Beste alde batera begiratzen bada, erabaki politikoa izango da”. Hain zuzen ere, orain arte zerbitzu publikoak azpikontratatzea EAJ, UPN eta PSE-EEren erabaki politikoa izan dela salatu du LABek.