Kanpainako lehen ekitaldian EH Bilduko kideek ondorengoa adierazi dute, "gure helburua gehiengo demokratikoaren ametsa da, hau da, instituzioetatik PP ateratzea eta ustelkeriarekin eta eskubide murrizketekin bukatzea". Horrez gain, Andra Mariko elizpean egin duten ekitaldian ozen adierazi dute, beraiek izan zirela Maroto eta Barcina bota zituztenak, eta bertan, Madrilen, egongo direla Mariano Rajoy botatzeko ere.
Bestalde, Marian Beitialarrangoitiak EH Bilduk Madrilen presentzia indartsua izatea aldarrikatu du. “EH Bildu indartsua beharrezkoa da Madrilen, euskal herritarren interesak defendatuak izan daitezen eta defentsa hori herri gisa egin dadin”. Beitialarrangoitiak gaineratu du, herri gisa lan egingo dutela eta euskal gizartearen egunerokoari eragiten dioten erabaki gune guztietan egongo direla eta horretan lan egingo dutela.