Plataformako kideek azaldu dutenez, eskaria babesten duten 15.000 sinadurak “nahikoa” izan beharko lirateke, Imanol Pradalesek “agendan leku bat egin” eta batzar baten AP-8ko bidesarien gaia lantzeko. Gaineratu dutenez, “Pradalesek duela hile dezente esan zuen berak zuzentzen duen departamendua bidesarien gaia aztertzen zebilela, baina oraindik ez du 2015ean autopista publikoaren kudeaketak izan zituen datu ekonomikoen berri eman”.
Plataformaren arabera, Pradales "ostrukaren moduan" eskutatzen ari da, herritarrei azaldu beharrik ez izateko ez dela gai beraien eskariei erantzuteko.
Auto karabana
AP-8 Peajerik Ez plataformak auto karabana antolatuko du apirilaren 30erako. Protesta horretara batzeko deia egin diete autopista dagoeneko "amortizatuta" dagoela eta bidesari bako Bizkaiko beste errepide azkarren "tratamendu bera" izan behar duela uste duten herritarrei.