Laudioko Ertzain-etxeko agenteek 2015eko azarotik 17 etxebizitzetan lapurretan ziharduten bi pertsona atxilotu dituzte, 16 eta 18 urtekoak. Zaldibar, Abadiño eta Zornotzako erasoez gain, Bedia, Llodio, Amurrio, Luiaondo eta Arrankudiagan leporatzen zaizkie lapurretak.
Ertzaintzaren ikerkuntza aurrera eramateko hiritarren parte-hartzea funtsezkoa izan da, beraien laguntzaz bi gazteak identifikatu baitzituzten. Asteburu eta jaiegunetan izan dira eraso gehienak. Atxilotuak, fiskaltzak aske utzi duen 16 urteko gazte bat, eta zapatuan xedapen judizialean utzi zuten 18 urteko gizonezko bat dira.Ostiralean, Bilbo eta Zaratamoko gazteen bizilekuetan egindako erregistroan prozedura judizial bat irekitzeko behar zituzten egozteko probak batu ziren. Dirua, bitxiak, arropa, teknologia produktuak eta ikus-entzunezko edukia lapurtzen zuten bereziki.