Ahal Dugu indartsu sartu da Durangaldean

Anboto 2015ko abe. 20a, 21:36

EAJ izan da indar bozkatuena Durangaldean. EH Bilduk, jaitsiera nabarmena izan du. Durangon eta Zornotzan, Ahal Duguk EH Bilduk baino emaitza hobeak lortu ditu eta herri bi horietan EH Bilduri aurrea hartu dio. Abadiñon, Ahal Dugu izan da indarrik bozkatuena.

Espainiako Kongresurako hauteskundeetan EAJ izan da indar bozkatuena Durangaldean. Hala ere, 2.011ko emaitzekin alderatuz jeltzaleek 778 bozka galdu dituzte. EH Bilduk, jaitsiera nabarmena izan du. Orain lau urteko emaitzekin alderatuz. 4.037 bozka gutxiago eskuratu ditu, eta eskualdeko bigarren indarra izateari utzi dio. Izan ere, Ahal Duguk EH Bilduk baino 68 boto gehiago lortu ditu Durangaldean. Ahal Dugu alderdirik bozkatuena izan da Abadiñon (1.027), bigarren indarra izan den EH Bilduk baino 36 boto gehiagorekin.

Esanguratsua da, eskualdeko bi herri handienetan, Durangon eta Zornotzan, Ahal Duguk EH Bilduk baino emaitza hobeak lortu dituela: Durangon 976 bozka gehiago eta Zornotzan 288. Horrela, Ahal Dugu bi herri hauetan, EAJren atzetik, bigarren indarra izatera heldu da EH Bilduri aurrea hartuz.

PSE-EEk beherakada izan du. Orain lau urte baino 2.539 bozka gutxiago jaso ditu. Hain jaitsiera nabarmena ez, baina PPk ere boto dezente galdu du: 1.668. Kopuru horren zati bat Ciutadans alderdira joan dela ematen du: 1.150.

Abstentzioaren zifrak orain lau urtekoekin alderatuta ia maila berean (%26) mantendu direla kontuan hartuta, badirudi Ahal Duguk izan duen gorakada EH Bilduren eta PSE-EEren beherakadarekin lotura izan duela.

Herririk herri, Atxondon, Berrizen, Durangon, Garain, Iurretan, Mañarian eta Zornotzan EAJ izan da alderdi bozkatuena. Elorrion, Izurtzan, Mallabian, Otxandion eta Zaldibarren, ostera, EH Bilduk eskuratu ditu bozka gehien.

2015EKO EMAITZAK

2015	Bozka Kopuru osoa	EAJ	EH-BILDU	PSE-EE	PP	IU-UpeC	Ahal Dugu	Ciutadans	Abstentzio	Zuri
Abadiño	4.191	903	991	537	394	69	1.027	137	%28.14	37
Atxondo	821	281	267	51	32	4	155	9	%27.60	7
Berriz	2.569	742	545	283	173	40	626	74	%28.52	16
Durango	15.932	4.899	2.910	1.491	1.478	312	3.886	483	%27.69	113
Elorrio	4.188	1.201	1.323	387	315	60	735	70	%26.97	32
Garai	201	96	61	4	7	3	18	8	%17.28	2
Iurreta	2.130	556	450	339	222	38	413	62	%27.75	17
Izurtza	153	57	71	2	6	0	11	1	%22.73	0
Mallabia	691	222	241	52	25	4	114	20	%28.91	4
Mañaria	317	145	112	4	7	0	43	2	%21.14	1
Otxandio	728	250	323	23	13	3	101	1	%25.26	5
Zaldibar	1.660	388	399	258	161	31	344	45	%29.42	6
Zornotza	10.519	3.485	2.220	1.004	511	248	2.508	238	%26.64	76

GUZTIRA:

EAJ: 13.225 // Ahal Dugu: 9.981 // EH BILDU: 9.913 // PSE-EE: 4.435 // PP: 3.344 // IU-UpeC: 812 // Ciutadans: 1.150

2011KO EMAITZAK

2011	Errolda	EAJ	AMAIUR	PSE-EE	PP	EB	Besteak	Abstentzio	Baliogabe
Abadiño	5.838	952	1.431	788	574	117	135	%30.85	20
Atxondo	1.179	269	399	82	62	23	13	%26.50	9
Berriz	3.763	843	826	446	266	96	94	%30.15	18
Durango	21.475	5.218	4.204	2.513	2.150	479	565	%28.70	34
Elorrio	5.831	1.233	1.795	576	435	77	75	%27.42	34
Garai	265	107	88	4	10	1	2	%17.49	1
Iurreta	3.069	596	612	447	308	64	63	%30.72	18
Izurtza	216	58	102	5	3	4	0	%19.91	1
Mallabia	981	218	324	74	51	16	15	%27.74	6
Mañaria	398	130	139	9	6	0	2	%27.20	3
Otxandio	1.006	258	433	40	39	11	3	%21.11	9
Zaldibar	2.371	360	513	335	252	49	48	%32.70	16
Zornotza		3.761	3.108	1.655	856	385	175	%27.39	101

GUZTIRA:

EAJ: 14.003 // AMAIUR: 13.974 // PSE-EE: 6.974 // PP: 5.012 // EB: 1.322 // BESTEAK: 1.190

Herririk herri

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.

EGIN ZAITEZ KIDE!