Eibarko ertzain-etxeko poliziek egin dute operazioa. Ermua inguruan purutasun handiko speeda banatzen zari zirela atzeman zuten, eta horren atzean iaz desegindako sare bati lotutako taldea egon ahal zela pentsatu zuten. 9 kilo speed, 20 kilo haxix eta droga mozteko materiala atzeman dituzte, baita 25.000 euro eta lau ibilgailu ere.
Speeda Herbeheretatik jasotzen zutela uste du Ertzaintzak, eta haxixa, Iberiako penintsulako hegoaldetik. Ertzaintzako ikertzaileek droga leku batetik bestera eroaten harrapatu zuten taldeko kide bat Ermuan, eta atxilotu egin zuen. Hurrengo orduetan, sareko beste hiru kide atxilotu zituzten Durangon eta Tolosan.