Udal hauteskundeak 2015

Hauteskundeak pasa ostean, bihar osatuko dira udalak

Anboto 2015ko eka. 12a, 12:32
Deskargatu Info Ahotsak :

Maiatzaren 24ko udal eta foru hauteskundeak pasa ziren, eta, orduko emaitzak kontuan hartuta, udalak osatzea tokatzen da orain. Hain zuzen ere, bihar hartuko dituzte aulkiak zinegotziek, eta herri bakoitzean zein alkate egongo den ere erabakiko da. Badirudi ez dela sorpresa handirik egongo, eta hauteskundeak irabazi zituzten hautagaiek gobernatuko dutela. Elorrion, Herriaren Eskubidearen botoak edo abstentzioak erabakiko du nor izango den alkate: Idoia Buruaga (EH Bildu) edo Joseba Mujika (EAJ). Mallabian, aldaketa segurua da EAJren alde.


Durangon, EH Bildu alkatetzara aurkeztuko da Dani Maeztugaz. Zazpi zinegotzi lortu ditu koalizioak, baina EAJk bat gehiago. Beraz, Aitziber Irigoras hautagai duten jeltzaleek abantaila edukiko dute. Maeztuk adierazi du beste alderdi batzuekin berba egiten dabiltzala, baina ez du akordiorik aurreratu. “4.300 botoren babesa izan dugu. Ez gara zerrendarik bozkatuena izan, baina uste dugu lehenengo egunetik Durango aldatzeko esfortzua egin behar dugula”. Maeztuk dio “politika ulertu eta egiteko moduak” aldatu gura dituztela.

Herririk herri
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!