Plangintza estrategikoaren lanketan, baserritarrak protagonista izan behar direla da orain arteko ondorio nagusietako bat. Egitasmoak zehaztu aurretik, baserritarrei galdetzea beharrezko ikusi dute. Bestalde, lurren erabilera zehaztu eta planifikatu behar dela nabarmendu dute, beti ere, nekazaritzarako lurrak babestuta. Gazteak lehen sektorera erakartzea eta turismo arloa zeharkako gai lez jorratzea ere proposatu dute prozesu parte-hartzaileko kideek.